Politiet vil ikkje seie noko nærare om kor mannen er frå før dei har fått stadfesta at familien er varsla. Kripos har ansvar for dette. Ulukka skjedde i samband med speedriding, ei form for paragliding der ein flyg nærare bakken.
Det er gjennomført to avhøyr etter ulukka, men politiet er sparsame med opplysningar.
- LES OGSÅ:
- LES OGSÅ:
Vurderer obduksjon
– Vi kan ikkje gå i detalj på innhaldet der, men det vert, rutinemessig, oppretta ei undersøkingssak, og så vert det vurdert ein obduksjon i løpet av dagen, seier lensmann i Årdal, Magne Knudsen, som er talsmann for politiet.
Han seier det er naturleg å vurdere obduksjon.
– Det er blant anna for å eventuelt kunne gi familien svar. Det er opp til juristen å vurdere det ut frå det som kjem fram av saka, seier lensmannen.
– Ingenting tyder på teknisk svikt
Det er førebels ingenting som tyder på at dødsulukka skuldast teknisk feil eller svikt.
– Det har vi ingen opplysningar om. Slik eg har forstått det har det ikkje kome fram i nokre av dei to avhøyra som tyder på at det har vore teknisk svikt.
Politiet vil halde fram etterforskinga, men det viktigaste no er å få kontakt med familien, seier Knudsen. Det er førebels ikkje planar om å gjennomføre fleire avhøyr.