NRK Meny
Normal

Tok seg inn i hybelen til den drapssikta

Politiet har i ettermiddag teke seg inn i hybelen til den drapssikta mannen frå Sør-Sudan.

Politi Årdal

GJORDE FUNN: Politiet på veg ut frå huset der den drapssikta mannen hadde hybel.

Foto: Christian Blom / NRK

Ifølgje Bergens Tidende tok tenestemenn seg inn i huset i Øvre Årdal der mannen har budd sidan august i år.

I huset er det mellom anna ein kinarestaurant, fleire hyblar og lokala til Årdal Bingo. Der jobbar Angelica Kivikoski.

– Det er veldig ekkelt å tenkje på kva som har skjedd, seier ho til BT.

Ho har ikkje tidlegare registrert nokon spesielle episodar med dei som har husvære i huset, som ligg midt på Farnes, sentrum i Øvre Årdal.

NRK sin reportar på staden registrerte at politiet hadde med seg ting ut av husværet. Bustaden til asylsøkjaren er no forsegla med tanke på vidare etterforsking.

– Vi leitar etter svar og motiv, seier lensmann Åge Løseth til BT.

Politiet beslaglegger bevismateriale fra siktedes bolig i Årdal.

JAKTAR MOTIV: Politiet med bevismateriale frå hybelen til den sikta.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.