NRK Meny
Normal

Har enno ikkje vurdert sikting av føraren

Politiet har framleis ikkje teke stilling til om det blir teke ut sikting av føraren av bussen etter brannen i Gudvangatunnelen.

BUSSVRAK:

BUSSVRAK: Slik ser det ut i Gudvangatunnelen dagen etter bussbrannen.

Foto: Halvor Farsund Storvik / NRK

Det seier Guro Enger, politifullmektig i Sogn og Fjordane politidistrikt til NRK.

– Det er teke eit avhøyr av bussføraren i dag, men eg har ikkje lese det endå, så det er ikkje teke stilling til dette spørsmålet. Vi må nesten sjå litt meir an kva som kjem fram i avhøyret før vi tek stilling til det, seier ho.

Føraren av bussen som tok fyr i Gudvangatunnelen på E16 har reist heim til Sverige etter avhøyret. Truleg får politiet fleire svar i løpet av morgondagen, ifølgje Enger.

– Vi får vi sjå kva som er lagt på plass i saka i løpet av i dag og morgondagen, seier politijuristen.

Lensmann Magne Knudsen ønskjer ikkje å gå innpå kva føraren har sagt i avhøyret.

– Det er også gjort avhøyr av andre vitne i buss, men det er ikkje kome nokon nye opplysningar utover det vi veit så langt, seier han.

Politiet skal torsdag gjennomføre tekniske undersøkingar i tunnelen.

Den nye regjeringa vurderer å kvitte seg med odelslova. Det kjem ikkje på tale, svarer bøndene.
Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.