Lokkar utanlandske tannlegar til distrikta

For å fylle hola i tilbodet, gir fylkeskommunen utanlandske tannlegar opplæring og jobb, mot at dei blir i fylket i minimum to år.

Ukrainske Dmitrij Chaustovic er den første i denne ordninga, og har allereie funne seg godt til rette i fylket.

• LES OGSÅ: Har vore utan tannlege i 1,5 år
• LES OGSÅ: – Heilt hol i hovudet

– Eg trivast veldig godt, og er veldig nøgd med at eg fekk jobb som tannlege her, smiler han.

Elendig i 2009

Allereie i 2006 for få år sidan åtvara fleire tannlegar mot det som viste seg å bli ein realitet . I 2009 skildra fylkestannlege Bent Rønnekleiv situasjonen som elendig, med ti ledige tannlegestillingar og fleire ledige tannpleiarstillingar.

Men skyhøge begynnarløner på 500 000 kroner og gode som ein fridag i veka for familiefolk, viste seg å ikkje vere nok for å fylle opp stillingane. I fjor stod kvar femte av 40 tannlegestillingar ledige .

• LES OGSÅ: Skal lokke nye tannlegar til fylket

– Åtte stillingar er ledige og presset på dei som jobbar i det offentlege aukar sa Rønnekleiv då.

Får hjelp til autorisasjon

Dermed vende Sogn og Fjordane fylkeskommune augo mot utlandet. Men sjølv om mange utanlandske tannlegar vil jobbe i Norge, og mange norske utdannar seg i utlandet, manglar dei det praktiske arbeidet under utdanninga som gir dei autorisasjon i Norge.

Løysinga vart å hjelpe desse gjennom praktisk utdanning, mot at dei arbeider to år i ein kommune i Sogn og Fjordane.

• LES OGSÅ: Små fagmiljø hindrar rekruttering

– Eg trur det er viktig for Norge at det kjem folk frå utlandet, og søkjer jobb som lege eller tannlege, seier Chaustovic.

Meir stabilitet

Ukrainaren får opplæringa si ved Sogndal tannklinikk og skal jobbe sine to år i Luster. Oppfølginga får Chaustovic frå tannlege Elisabeth Skrede i Sogndal.

Ho er positiv til prøveordninga.

• LES OGSÅ:
• LES OGSÅ: Slik sparer dei tusenvis på tennene

– Vi har stor tannlegemangel, og det er vanskeleg å få folk til å bli i stillingane og i distriktet. Det er kjempebra om denne ordninga fører til ein meir stabil tannlegesituasjon og bemanning i distriktet, seier Skrede.

– Over all forventing

Så langt er det altså berre Chaustovic som er teken inn gjennom prøveprosjektet.

Fylkestannlege Rønnekleiv trur likevel at ordninga er noko å satse vidare på.

• LES OGSÅ: 100.000 tannlegetimar går rett i vasken - kostar samfunnet 100 millionar årleg

– Førebels er det eigentleg over all forventing. Det er ein veldig flink tannlege vi har fått tak i, han har fått veldig god oppfølging og tilbakemeldingane frå dei tannlegane som følgjer han opp er at dette er veldig, veldig vellukka, seier han.

Vil bli i fylket

Og ukrainske Chaustovic har ingen planar om å returnere til heimlandet, eller å flytte frå distriktet. Han ynskjer å bli i fjordfylket utover dei to åra.

• LES OGSÅ: Tannlegeprosjekt får pris
• LES OGSÅ: Vil at helsestasjonane tek ansvar

– Eg blir gjerne heile livet. Sogn og Fjordane er ein fin region, og eg likar meg verkeleg godt i Sogndal og Gaupne. Eg likar å gå turar, og det er det flott å gjere her, seier han.