Geir Gaasøy har bestemt seg for å ta kampen opp mot dårleg oppførsel i trafikken - ved hjelp av kamera. Han filmar livsfarlege situasjonar i trafikken.
– Eg blir redd og forbanna over det eg ser. Eg blir så oppgitt at eg nesten blir på gråten.
Mange med kamera i bilen
Med kamera på dashbordet har den erfarne køyrelæraren byrja å filme alt han ser av farleg køyring. Det meiner han bør få potensielle trafikkbøller til å tenke seg om.
– Eg skjønar ikkje at folk tek sjansen. Det er mange som køyrer rundt med kamera i bilen, så alt som skjer framfor dei er fullt dokumenterbart.
Politiet får fleire og fleire tips om farleg køyring langs vegane i Hordaland og Sogn og Fjordane. Regionlensmann Jan Egil Tvinde er uroa.
– Kvar veke får vi tips om folk som ikkje oppfører seg som dei skal i trafikken frå medtrafikantar som er skremde. Det at vi ahr såpass liten trafikk er nok årsaka til at det ikkje skjer fleire ulukker.
Sjå sak i Vestlandsrevyen: