NRK Meny
Normal

Satsar beinhardt på musikken i London

OSLO (NRK):Håkon Njøten frå Gulen seier det er beinhardt å satse på musikken i London. På Bylarm viste han fram sitt nye band «Hawkon» for første gong i Norge. VG var imponert og gav han terningkast fem.

Håkon Njøten under Bylarm 2015

HARD JOBB: Håkon Njøten viste fram prosjektet sitt 'Hawkon' for aller første gong i Norge under årets versjon av bransjetreffet Bylarm. Dette bildet er tatt under konserten i St. Edmunds Kirke midt i Oslo sentrum.

Foto: Stian Sjursen Takle / NRK

Vi treffer Håkon dagen etter den første konserten på årets Bylarm. Kvelden før spelte han i P3-teltet på Youngstorget under det store nordiske bransjetreffet.

Alle triks i popboka

–Det var veldig gøy i går. Det å kunne synge, danse og vise fram musikken, som eg har brukt to år på å lage var utruleg gøy. Den halvtimen på Bylarm var fantastisk rett og slett, seier Håkon Njøten.

Meldaren til VG var også nøgd med opplevinga og gav han både skryt og terningkast fem for konserten .

Endelig har Håkon Njøten fått det til. Musikken bruker alle triks i popboka. Jeg har muligens ikke sett popens fremtid, men er likevel fristet til å si at dens navn er Hawkon.

TOR MARTIN BØE, VG

Ein stor bonus

Håkon Njøten i P3-teltet på Bylarm

TO KONSERTAR: Håkon Njøten og bandet 'HAWKON' gjorde to konsertar under Bylarm. Dette fotoet er frå konserten i P3-teltet.

Foto: Stian Sjursen Takle / NRK

–Dette var jammen ein bonus som vi ikkje hadde rekna med. Men det er utruleg kjekt å få slike tilbakemeldingar sjølvsagt, seier Håkon etter å ha lest meldinga.

Håkon Njøten er ein av to artistar frå Sogn og Fjordane som er plukka ut til å få spele under Bylarm, også Thea Hjelmeland frå Førde hadde fått tildelt eigen konsert.

LES OGSÅ: Terningkast 5 for Thea på Bylarm

Hardt og målretta satsing

Håkon Njøten har faktisk spelt på Bylarm ein gong tidlegare. Den gongen var det med popbandet «The Micropops.» I år var det hans urbane Londonbaserte prosjekt «Hawkon,» som spelte i Norge for aller første gong.

Det nye bandet er ein trio har han utvikla gjennom to hektiske år i London. Han har jobba hardt og målretta med store ambisjonar, eit proffesjonelt apperat rundt seg og var difor veldig spent på mottakinga frå publikum og bransje.

Håpar på suksess

–Bylarm betyr mykje for meg, det er faktisk ein stor ting å få spele her. Det har blitt ein viktig arena for å vise seg fram. Folk kjem også hit frå London for å oppleve nordiske artistar, seier Håkon.

LES OGSÅ: -Satsar på speleglede
LES OGSÅ: Radiokongen Håkon
LES OGSÅ:
Duo med ambisjonar

Håkon Njøten på Bylarm

FRÅ HÅND TIL MUNN: Det er tøft å satse på musikk i London seier Håkon Njøten. Han jobbar hardt for å lukkast med sin klare ambisjon om suksess.

Foto: Stian Sjursen Takle / NRK

Lever frå hand til munn

Håkon Njøten har klare mål for sitt nye prosjekt, og han veit akkurat kvar han skal vere om nokre år. Då håpar han å vere ein kjent og internasjonal artist med suksess.

–Men det er beinhardt å jobbe seg opp og fram frå London. Vi lever frå hand til munn, og jobbar heile tida, fortel Håkon.

Også konserten i St. Edmunds Kirke i Oslo vart vellukka for Hawkon. Her framførte han musikken sin i ei mykje meir forsiktig utgåve, og gav ei nesten full kyrkje ei nydeleg konsertoppleving.

Detaljane skal finpussast
Huset til filosofen Wittgenstein flyttar.
Vestlandsbønder må hente enorme mengder naudfôr frå Austlandet og Sverige. Dette fordi begge grasavlingane på Vestlandet var langt under normalen i sommar.