Både i Lærdal og i Sogndal har nokon uærlege sjeler gjort iherdige forsøk på å få med seg dei verdfulle lyslistene som har stått fastmontert på taket på bilane.
– Det er korrekt at vi har fått inn i to saker som knyter seg til dette, fortel operasjonsleiar Per Rimmen ved Sogn og Fjordane politidistrikt.
På Borgund i Lærdal var det ei gravemaskin det gjekk utover. Bilen som stod parkert i Sogndal er eigd av Mesta, og gjerningsmannen eller mennene har ikkje klart anna enn å gjere hærverk på både led-lykta og biltaket.
Politiet har førebels ikkje spor å gå etter i dei to sakene, og oppmodar eventuelle vitner om å ta kontakt på telefon 02800.