NRK Meny
Normal

Dette såg ganske dramatisk ut, men det var det ikkje...

Mange frykta at studentheimen i Sogndal stod i fyr og flammar i ettermiddag. Men det var tvert om berre ei godt planlagd brannøving.

Brannøving på studentheimen
Foto: NRK-tipsar

– Jau, folk i nærleiken kan vel sikkert ha trudd at det brann. Det var ei høgst realistisk øving, men dramatisk var det likevel ikkje, seier vakthavande ved 110-sentralen i Sogn og Fjordane, Frode Korneliussen.

Alarmen gjekk klokka 17.30. Då vart det slege umeld alarm i bygget.

– Det vart brukt røykmaskin i ei av leilegheitene, og vi øvde både evakuering og røykdykking, seier Korneliussen.

Viktig å øve

Om lag 35 bebuarar måtte evakuere, i tillegg til markørar, som om det var ein ekte brann. Eit vaktlag frå Sogn brann og redning, samt politi og ambulansepersonell var med på øvinga.

– Det er svært viktig å få øvd på slike hendingar. Her gjekk alt etter planen på alle vis, seier Korneliussen, og rosar dei som var med.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.