NRK Meny
Normal

Sjå video frå folkefestane i Selje og Eivindvik

Grunnlovsseglasen starta i Hammerfest i Finnmark 14. mai. Planen er å vere framme på Eidsvoll 7. juni. Dei to siste dagane har Anna Rogde vitja Selje og Eivindvik.

Anna Rogde

HISTORISK: Den historiske skonnerten Anna Rogde vitjar dei historiske stadane Eivindvik og Selje under grunnlovsseglasen.

Foto: Vidar Gudvangen / NRK

Anna Rogde vart sjøsett ved Bangsund Skipsverft i Namsos 20. august i 1868, og er med det den eldste skonnerten i verda.

14. mai 2014 la kaptein Oddvar Eriksen frå kai i Hammerfest. Om bord er utsendingar frå dei tre nordlegaste fylka som aldri kom seg til Eidsvoll i 1814.

Dei skal ta i mot erklæringar frå ungdomar langs heile kysten. Om utfordringar for miljø, demokrati og kulturelt mangfald. Erklæringane tek dei med seg til Eidsvoll.

På sjølvaste Kristi Himmelfartsdag vitja grunnlovsseglasen Selje.

– Det har kome meir folk enn venta. Det har vore ein fantastisk dag med ei flott ramme her ute. No er sola på plass og vi skal halde fest utover heile dagen, seier Svein Barmen, prosjektleiar for grunnlovsseglasen i Selje.

Flott video frå Selje med vakker song frå vaksne og born, og fine talar:

Skonnerten Anna Rogde kjem til Selje. Foto: Bjarne Eldevik

Foto og redigering: Bjarne Eldevik.

«Selje og Gulen er historiske stader»

Fredag stod Gulen for tur. Anna Rogde la til kai i Eivindvik. Ordførar Hallvard Oppedal i Gulen kommune er glad for det storfine besøket.

Anna Rogde

HØGTIDELEG: Salutt, fanfare og musikk då Anna Rogde la til land i Eivindvik.

Foto: Vidar Gudvangen / NRK

– Det er fantastisk flott at dei vel å kome innom oss. Dei har vald desse to historiske stadane, Selje og Gulen, som har hatt noko med demokratiutviklinga og soga å gjere, seier Oppedal.

Turen skal ha form av ei tidsreise og kunnskapsreise. Båten stoggar på rundt 20 stader langs heile kysten av Noreg.

– Vi har mykje å skryte av her, og eg freistar gjere det kvar gong eg har moglegheit. Vi har jo Gulatingstaden her i Eivindvik, som var den autentiske staden for Gulatinget.

Når gulingane har festa ferdig, står Bergen for tur. Sjette juni vil Anna Rogde leggje til kai i Oslo. Deretter går siste etappe over land, før erklæringane frå ungdomen vert overlevert på Eidsvoll den sjuande juni.

Sjå video frå festdagen i Eivindvik:

Anna Rogde kjem til Gulen under

Reporter: Vidar Gudvangen. Foto/redigering: Steinar Lote.

Stor auke i bedriftar som tilbyr opplevingar til turistar
Fotballfeber i Florø før tidenes første fjerderundekamp i cupen
veger, arbeid med reparering etter flommen, hotell, gjestehus, parkeringsplasser med busser, busser