I tre-tida natt til søndag fekk Bøyum auge på ein grevling midt inne i tunnelen på riksveg 5.
– Den hadde forvilla seg inn i tunnelen. Vi ringde både politiet og viltnemda, men det vart konkludert med at den berre fekk gå der sidan den ikkje var skadd, seier Bøyum.
Politiet: – Uvanleg melding
– Det var veldig spesielt. Eg har aldri møtt noko slikt inne i ein tunnel før. Eg måtte stoppe og får eit fotobevis, seier Bøyum.
Operatør Oddvar Lyngset ved operasjonssentralen i Sogn og Fjordane politidistrikt stadfestar at dei fekk melding om den litt uvanlege hendinga.
– Det er ikkje ofte vi melding om grevling i tunnel. Han var på veg mot Lærdal fekk vi opplyst frå innringar. Grevlingen var ikkje i taket for å seie det sånn, humrar Lyngset.
Politiet varsla Vegtrafikksentralen til Statens vegvesen.
– Hadde det vore midt på dagen hadde vi nok reist til staden og prøvd å fått han ut, seier Lyngset til NRK.no.
- LES OGSÅ:
Veit ikkje kvar den har tatt vegen
Vaktoperatør Kai Johny Bugjerde ved Vegtrafikksentralen seier dei har registrert hendinga i loggen sin.
– Vi veit ikkje kvar grevilngen har tatt vegen. Om han har funne vegen ut sjølv eller kva han har gjort, veit eg ikkje. Vi har i alle fall ikkje fått fleire meldingar, seier Bugjerde.