NRK Meny
Normal

Gler seg til hyttekos og påskelam

Keeperlegenda Frode Grodås frå Hornindal kom heilt til semifinalen i Mesternes Mester. Men fleire realityseriar trur han ikkje at det blir framover.

Mann i hvit t-skjorte

IKKJE MEIR REALITY: Frode Grodås var med på årets sesong av Mesternes Mester som blir spelt inn i Kalamata i Hellas.

Foto: Tonje Bergmo / NRK

Kva skal du gjere i påska?

– Det blir nok hytte på fjellet og ski.

– Kva betyr påska for deg?

– Gjensyn med fjell og ski. God bok og kos.

– Klarer du å legge vekk mobil/pc når du har påskeferie? Eller er du like mykje "på" som vanleg?

– Eg prøver å legge det bort i periodar. Blir mindre, MEN kunne vore flinkare.

– Har du nokre spesielle påsketradisjonar?

– Gjennom mykje flytting og reising har dei blitt borte. Forresten, påskelammet er tradisjon.

– Har du barndomsminne frå påska du vil dele med andre?

– Flotte skiturar i fjella i Hornindal. Og gutetur til seters på ski om natta.

Frode Grodås

KEEPERTRENAR: Etter mange år på bana, trenar han no andre målvakter.

Foto: Larsen, Håkon Mosvold / NTB scanpix

– Om folk kjedar seg i påska, har du forslag til ein morosam aktivitet?

Påskekrim er jo ein tradisjon for mange. Balanseline i hagen. Perfekt for alle, nesten.

– Les du bøker i påska? Og om du gjer det, har du ei bok du kan anbefale til andre?

– Det blir ein lettlesen krim. Eg har ikkje kjøpt enno, kanskje Nesbø?

– Har du eit brettspel eller kortspel som er din favoritt?

– Plump (bondebrigde) er kortspelet som fotballspelarar har spelt i årtier. Det funkar enno.

– Kva er din favorittsong/dine favorittsongar for tida?

– Favorittsong er Journey ”Don`t Stop Belivin”. Og Coldplay med “Everglow.”

– Du hadde jo stor suksess i serien Mesternes Mester på NRK1 og kom heilt til semifinalen. Har du nokre andre spennande planar framover?

– Ikkje meir reality i alle fall, hehe. Men vinne kampar med landslaget og sjå Sogndal vinne.

– Og til slutt. Har du lyst å komme heimatte til Sogn og Fjordane?

Sakner fjell og fjord. Ein veit aldri kva tida bringar.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.