Då sender nemleg NRK P1 nær ein heil time frå konserten Sigrid Moldestad heldt på Åmot Operagard i fjor.
Konserten startar etter 21-nyhenda, og i løpet av dei 57 etterfølgjande minuttane, fyller låtar som «Samuline», «Himlen har sove bort mørkeret» og «Brevet» eteren.
HØYR KONSERTEN: Skru på radioen eller høyr på nettet frå klokka 21:03 skjærtorsdag.
– Det er eit heilt perfekt tidspunkt. Då kan folk lage mat, ete mat eller setje seg ned eller slappe av etter ein lang skidag, og ha meg i bakgrunnen, smiler Moldestad.
Andre påska på rad
Sjølv får ho ikkje høve til å få med seg konserten, når NRK for andre gong kringkastar delar av konserten.
- Les også:
Første gang var på TV i påska i fjor. Og Moldestad legg ikkje skjul på at dette er ein påsketradisjon ho godt kan bli vand med.
– Det var ei fantastisk oppleving å vere der, og gjere den konserten. Så det hadde ikkje vore meg i mot å få dette som ein tradisjon, humrar ho.
Live-stemning
Konserten gjekk føre seg i tett og varm stemning i ein fullsett operalåve like over nyttår i fjor. Alle av dei 118 billettane vart utselde på svært kort tid.
- Les også:
– Eg veit at opplevinga vi hadde var veldig god, og vi hadde eit fantastisk publikum. Så eg håpar at folk kan kose seg med opptaket, og at dei får den live-stemninga som var der, seier Moldestad og legg til:
– Eg håpar konserten står seg like godt utan bilete, men så er det jo slik at ein får dei beste bileta på radio.
SJÅ: Konserten med Sigrid Moldestad på Åmot Operagard.