Av Synnøve Aasland og Vegar Erstad
No må kommunen, Veitastrond og fylkesmannen sjå framover og tenkje på nye prosjekt, seier ordførar Torodd Urnes.
Bydefolk på Veitastrond har i fleire år arbeidd for å få frakte turistar med helikopter opp til fjelltoppen Kaldakari, som ligg rett ved grensa til Jostedalen Nasjonalpark. Luster kommune har vore forkjempar for tilbodet, og sett på det som ei viktig satsing for å styrkje busetnaden og vidareutvikling av bygda.
Skuffa over Hareide
Saka har skapt strid, og har vore på bordet til heile tre miljøvernministrar før Helen Bjørnøy etter fire dagar som statsråd sa endeleg nei til prosjektet. Urnes innser at slaget no er tapt, men er skuffa over at ikkje tidlegare miljøvernminister, Knut Arild Hareide, tok ei avgjerd i saka før han gjekk av som statsråd.
Nøgd naturvernforbund
Men medan Luster kommune og bygdefolket er skuffa, rosar leiar i Norges Naturvernforbund, Lars Haltbrekken, den noverande miljøvernministeren si avgjerd. Han er glad for at vernereglane for Jostedalsbreen nasjonalpark ikkje vert uthula.