NRK Meny
Normal

Vinden tok garasje – to personar sendt til sjukehus

Ein mann (35) og ei kvinne (44) er lagt inn på Førde sentralsjukehus etter at vinden tok med seg ein garasje på Sande.

Garasje kollapsa - to personar skadde

KOLLAPSA: Sterk vind tok med seg ein etasje av garasjen på Sande i Gaular.

Foto: NRK.no-tipsar

Hendinga fann ifølgje Helse Førde stad klokka 1745.

Fire ambulansar, samt akuttlegebilen frå luftambulansen rykte ut til staden, i tillegg til brannkorps og politi. Det var avisa Firda som først skreiv om hendinga.

– Det er snakk om ein toetasjes garasje, der andreetasjen blåste ned. To personar som oppheldt seg utanfor vart skadde, opplyser operasjonsleiar Marianne Føleide til NRK.

To til sjukehus

Helse Førde opplyser at tre personar vart skadde, men at dei har fått inn to personar frå hendinga. Laurdag morgon opplyser AMK at mannen er lettare skadd, medan kvinna er moderat skadd.

Garasje kollapsa - to personar skadde

SKADDE: To personar som stod utanfor garasjen vart skadde.

Foto: NRK.no-tipsar

– Patruljen har avslutta på staden, så vi har ikkje informasjon om at det er fare for fleire, seier Føleide.

– Situasjonen er under kontroll, opplyser Terje Brandsøy ved alarmsentralen i Florø.

Føleide opplyser at dei elles har fått mange meldingar om tak som har losna og tre og steinras som stengjer veg.

– Vi har meir enn nok med å ta unna telefonane, men har førebels ikkje hatt noko problem med å ta oss fram til hendingane, seier operasjonsleiaren.

Laster kart, vennligst vent...

SKADDE: To personar skal vere skadde.

Detaljane skal finpussast
Huset til filosofen Wittgenstein flyttar.
Vestlandsbønder må hente enorme mengder naudfôr frå Austlandet og Sverige. Dette fordi begge grasavlingane på Vestlandet var langt under normalen i sommar.