Natur og Ungdom skuldar gruveselskap for skittens spel

I ein nyheitsartikkel fortel gruveselskapet korleis kroppsdelar av titan stadig oftare blir løysinga når helsa sviktar. Mange norske hjertepasientar blir redda av ei hjertepumpe laga av titan, eit stoff det er stor internasjonal konkurranse om.

I artikkelen kjem det vidare fram at ein av verdas største førekomstar av titanråstoffet Rutil finst i Engebøfjellet i Vevring.

Første nestleiar i Natur og Ungdom, Mari Winsents, karakteriserer dette som skittent spel i ei sak som Miljøverndepartementet no skal handsame.

– Det vi reagerer på er at Nordic Mining her brukar, eller dyttar norske hjertepasientar føre seg, i ei sak som er veldig omstridd.

– Dette gjer dei på ein slags måte som grønvaskar eller gjer det meir legitimt å drive med denne type verksemd, seier Winsents.

• LES OGSÅ: Tilrår mellombels sjødeponi i Førdefjorden
• LES OGSÅ: Motstandarar glade for at direktorat ønskjer utsetjing av deponivedtak

«Vi må belage oss på flere gruver»

Natur og Ungdom er i harnisk over artikkelen og videoen som fortel om fordelane titan kan i samband med hjartetransplantasjonar. Reportasjen er rikeleg illustrert med bilete og video frå det omstridde gruveprosjektet som Nordic Mining har planar om i Vevring.

• Les artikkelen og sjå videoen på Newswire sine sider her. (Ekstern lenke, NRK står ikkje ansvarleg for innhaldet)

Nordic Mining sine planar om utvinning av mineralet rutil i Engebøfjellet er svært omstridde. Selskapet vil dumpe overskotsmasse i fjorden i mange tiår framover, noko mange meiner vil føre til svært uheldige konsekvensar for livet i fjorden.

• LES OGSÅ: Fire etatar saman mot fjorddeponi
• LES OGSÅ: Eitt års utsetting for Førdefjorden

Vil vise fram bruksmåtar

Dagleg leiar Ivar Sund Fossum i Nordic Mining avviser at dette er eit forsøk på «grønmåling av prosjektet.

– For det første så meiner vi at prosjektet er eit godt og berekraftig prosjekt slik det er. Men vi synest det er hyggjeleg at mineralet tydeleg har nye måtar å bli brukt på, seier Sund Fossum til NRK.no.

– Dette var ein så gledeleg nyheit at vi ønskjer å vere tydelege på kor viktige dette mineralet kan vere.

– Blir viktigare og viktigare

Denne argumentasjonen har Natur og Ungdom lite til overs for.

– Vi synest det blir å skyve hjertepasientar føre seg i ei omstridd sak. Ei sak som no ligg til politisk behandling i Miljøverndepartementet, seier Winsents.

Det avviser Sund Fossum.

– Vi ønskjer ikkje å skyve nokon føre oss. Vi ønskjer å vise i klartekst dei mange eigenskapane som titan har, og dette er eksempel på at dette mineralet blir viktigare og viktigare.

• LES OGSÅ: Rysta over haldning til fjorddeponi
• LES OGSÅ: Fylkesmannen går for gruveutbygging i Naustdal