På ei generalforsamling i dag var framtida til selskapet Reisemål Stryn og Nordfjord diskusjonstema. Tidlegare har det blitt gjort fleire forsøk på å slå selskapet saman med andre aktørar og å finne eit nytt namn på selskapet.
Heller ikkje i dag vart det teke nokre endelege avgjersler. Det vil skje i løpet av året når styret kallar inn til ei ekstraordinær generalforsamling. Styreleiaren i reiselivsselskapet er likevel nøgd.
NØGD: Ingen endelege vedtak vart gjort, men styreleiar Marita Lindvik er glad for støtta til det vidare arbeidet.
Foto: Erlend Blaalid Oldeide / NRK– Vi i styret fekk mandat til å jobbe vidare med alle sakene vi behandla, seier ho.
- Les også:
- Les også:
Mellom anna vil dei jobbe for å auke aksjekapitalen. Det vil gjere det lettare å få inn fleire og eigarar med tettare tilknyting til selskapet. I tillegg vil dei jobbe vidare med å få til samarbeidsmodellar med Visit Jotunheimen, Visit Sognefjorden og mot miljøet i Geiranger.
Når det gjeld namneendringa er heller ikkje den i boks. Men generalforsamlinga var einig med styret om at Nordfjord-profilen må bli tydelegare.
– Vi heiter framleis Reiseliv Stryn og Nordfjord, men styret har fått støtte frå generalforsamlinga til å jobbe vidare med «Nordfjord» som merkevarenamn. Det vil vi legge fram som ny merkevareprofil i neste generalforsamling, seier Lindvik.
