Sportsleg leiar Odd Erik Gullaksen i Førde Handball seier at dei eg godt nøgde med å ha sikra seg den venstrehendte spelaren, som spelte 2. divisjon for Sotra, før ho i fjor gjekk til Fyllingen og 1. divisjon.
Medan Førde rykte opp, rykte Fyllingen ned att. Anniken Bjorøy sette inn 38 mål på dei 22 seriekampane ho spelte for Fyllingen.
- Les også:
GODT NØGD: Sportsleg leiar Odd Erik Gullaksen.
Foto: Kjell Arvid Stølen / NRKDen nye spelaren blir med når Førde denne helga spelar i ein cup på Ski, og på treningsleir i Danmark komande veke.
– Fleire av spelarane våre kjenner Anniken godt frå regionsamlingar, og vi har spelt mot ho då ho var i Sotra. Vi er trygge på at ho vil passe godt inn i spelargruppa vår.
Han fortel at Anniken Bjorøy har ein sambuar som skal ta til på sjukepleiestudiet i Førde. Sjølv skal ho drive med nettstudium som ho håpar å kunne kombinere med ein jobb, seier Gullaksen.
Førde debuterer i 1. divisjon på heimebane 3. september. Motstandar er Skrim Kongsberg, som vart nummer tre sist sesong, to poeng frå opprykk til Toppserien.
