Fyllekøyring, vald og rus - slik var natta for politiet

Etter den søte kløa kjem den sure svia for fleire kvinner og menn i fjordfylket i dag. Naudetatane hadde nok å gjere natt til 3. juledag.

Dette skjedde i natt i følgje politiet sin operasjonssentral i Florø (klokkeslettet fortel når politiet gjorde hendinga kjend på Twitter):

Klokka 01.14: Eigar av ein bil i Stryn mistenkt for å ha overlate bilen sin til ein som køyrde i rusa tilstand og utan førarkort.

Klokka 01.22: Jente i tenåra sett i arrest for ordensuro i Sogndal. Ho var overstadig rusa.

Klokka 02.55: Ein person fall i sjøen i Florø. Kom seg på land, og teken hand om av helsevesenet.

Klokka 02.56: Gjest slo til vakt på utestad i Selje. Teken hand om av kjende og drog frå staden før politiet kom til.

Klokka 02.57: Rusa jente i tenåra køyrd heim av politiet i Førde.

Klokka 02.59: Ein person blei slegen til på ein utestad. Mistenkte blei bortvist frå Florø sentrum.

Klokka 03.00: Ein slegen til på Sandane, kjend gjerningsperson. Fornærma vil melde det som skjedde.

Klokka 03.44: Trafikkuhell rett vest av Vadheim på E39 kl 0344. Einsleg bil blei liggande på sida og sperra vegen. Ikkje personskade.

Klokka 04.31: To personar i Førde og Sogndal har ikkje gjort opp for seg etter tur med drosje.

Atle Steinar Solheim vart overraska med nyheita om at han er ein av fem nominerte
Over 80 barn var samla på Jølstraholmen for å tjuvstarte adventstida med pynting av pepperkakehus.
Å levera lekser på nett er ikkje lett når internett-tilgangen er dårleg. 
Men det ER realiteten for mange skuleelevar i distrikta. 
Skilnadane er store, trass i at bruk av data får ein stadig større plass i skulen.