Fylkesveg 60 opna igjen etter ras

Vegen har vore stengd sidan 11-tida laurdag då store steinblokker dundra i vegbana ved Ugla.

• LES OGSÅ: Vil byggje tunnel forbi rasstaden

Både ein personbil og ein mjølkebil frå Tine var sekund frå å bli trefte av raset. Til alt hell vart ingen skadde i raset. Vegen vart opna like før klokka 1530.

– Det kom ned tre-fire store steinblokker, samt tre og mindre blokker. Fjellklatrarar har reinska og sikra seg nedover, opplyser prosjektleiar drift og vedlikehald i Fjordane, Lars Erik Karlsen.

Det vart først opplyst at også Holentunnelen skulle opne i dag, men trafikken vert først sett på tysdag. Tunnelen skulle etter planen opne måndag.