NRK Meny
Normal

Frustrert over manglande tillit i Sogndal – no får han sjansen til revansje

Når Sogndal i dag reiser til Ulsteinvik for å møte Hødd, møter dei òg ein revansjelysten Robin Shroot. Han meiner Sogndal har falle tilbake til gamle synder i løpet av sesongen.

Robin Shroot

NYTT MØTE: Robin Shroot er skuffa over at han ikkje lukkast i Sogndal, men takksam for moglegheita han fekk. Her i aksjon mot Hødd, laget han spelte for før, og gjekk til etter, opphaldet i saftbygda.

Foto: Arne Stubhaug / NRK

– Eg gjekk til Sogndal fordi eg trudde det skulle bli fokus på spelarutvikling og ein angripande stil. Men jo lengre ut i sesongen vi kom, jo meir verka laget å gå tilbake til ein meir direkte stil med mykje dødballar og innkast. Eg trur ikkje Sogndal følte eg passa inn i den stilen, seier Shroot.

Han trur Sogndal må ta grep om dei har ambisjonar om å bli eit stabilt tippeligalag.

– Sogndal toppar tabellen, men på lang sikt håper eg laget fokuserer meir på å utvikle unge, angripande og kreative spelarar for å gje klubben kontinuitet i Tippeligaen.

Laster innhold, vennligst vent..

– Eg vart veldig frustrert

Det halve året på Fosshaugane vart ikkje som Sogndal, Shroot sjølv eller supporterane håpa på. Det vart etter kvart lite speletid for den målfarlege spissen.

I sin siste kamp frå start for Sogndal vart Robin Shroot kåra til banas beste spelar etter skåring og storspel mot gamle lagkameratar i Hødd. Neste kamp var han ubrukt reserve og i avskjeden fekk han eit innhopp på 21 minutt.

– Det var nok truleg fleire grunnar til at eg ikkje vart verande lenge i Sogndal, men eg trur det kokar ned til at klubben følte dei ikkje klarte å bruke meg jamleg og bestemte seg for at det var best om eg flytta på meg. Slik er fotballen, seier Shroot.

Shroot scora 16 mål på 23 kampar for Hødd i fjor, og var på delt andreplass over toppscorarane i divisjonen. I år har det gått mykje tyngre.

– Eg vart veldig frustrert fordi, som alle fotballspelarar, ville eg berre spele. Året før hadde eg min beste sesong nokosinne og hadde lyst til å bygge vidare på det. Det å ikkje få spele så mykje som eg ville var veldig frustrerande.

Shroot på plass i Sogndal

DEN GONG DÅ: Robin Shroot var Eirik Bakke sin første store signering. Shroot skulle bli målscoraren laget hadde sakna, men vende tilbake til Hødd etter berre eit halvt år i Sogndal.

Foto: Halvor Farsund Storvik / NRK

Veit ikkje om han vil feire mål

Han meiner likevel at han lærte mykje av tida i Sogndal, ikkje minst utanfor bana, og takkar støtteapparatet for moglegheita han fekk.

– Eg vil òg takke alle supporterane. Eg respekterer framleis klubben, seier Shroot.

Då han scora mot Hødd i juni valde Shroot å ikkje feire. Kva han vil gjere om han puttar mot Sogndal, har han ikkje planlagt.

– Vil eg feire om eg scorar? Eit mål er den beste kjensla i verda, så eg veit ikkje kva som ville skje!

– For meg er kvar einaste fotballkamp eit privilegium, uansett kven eg spelar mot. Så eg skal gje 100 prosent som i alle kampar, seier Shroot.

Slik startar Sogndal

Som ikkje får starte dagens oppgjer mot Sogndal. Det gjer heller ikkje tidlegare Hødd-spelar, Victor Grodås.

Han er ikkje blitt friskmeldt etter ein brist i ribbeinet og blir erstatta av Rune Bolseth.

SOGNDAL: Mathias Dyngeland - Bjørn Inge Utvik, Hannu Patronen, Christophe Psyche, Taijo Teniste - Petter Strand, Rune Bolseth, Babacar Sarr, Thomas Drage - Mahatma Otoo, Kristian Fardal Opseth.

BENKEN: Stefan Hagerup, Eirik Skaasheim, Peter Aase, Osita Henry Chikere, Simen Brekkhus, Lars Christian Kjemhus, Ruben Holsæter.

Laster innhold, vennligst vent..
Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.