Landsmøtet i Framstegspartiet vedtok i helga å få kartlagt og utnytta mineralførekomstar som kan skape arbeidsplassar og vekst i Norge.
Ein av dei som ivra mest for vedtaket var FpU-formann i Sogn og Fjordane, og naustedøl, Marius Reiakvam.
– Eg har hakke og spade klar. Vi har mange fjell i landet vårt. Mange av desse har store verdiar som er klare for å bli hausta. Eg meiner det er påtide å
hive seg rundt og komme i gang.
Framtidsretta
Reiakvam brukte Nordic Mining sitt gruveprosjekt på Engebø som eksempel på ei viktig, bærekraftig, framtidsretta og miljøvennlig næring.
Han framheva dei store samfunnsøkonomiske gevinstane av prosjektet og av mineralnæringa generelt, og fekk eit samrøystes Landsmøte med på vedtaket. Samstundes kom han med han kraftig kritikk av miljøvernminister, Bård Vegard Solhjell, som han hevda at stakk kjeppar i hjula for utviklinga i heimkommunen hans.