Ulukka skjedde like før klokka 16. Personbilen frontkolliderte med ein møtande minibuss i ei kurve ved Gald.
Det var ein person i kvar av bilane.
– Bussføraren kom uskadd frå samanstøyten, medan føraren av personbilen er køyrt vekk med ambulanse. Skadeomfanget er ukjent, opplyser politibetjent Tor Egedahl til NRK.no.
AMK ved Førde sentralsjukehus opplyser at bilføraren er sendt til legekontoret i Stryn. Måndag kveld opplyser politiet at bilføraren, ein mann i slutten av tenåra, er sendt til sjukehus.
Vegen er smal der ulukka skjedde.
– Det er ein høvesvis smal fylkesveg. Personbilen har fått store skadar i front, seier Egedal og opplyser at det førebels er uvisst kvifor ulukka skjedde.
Politiet opplyser at det er oppretta sak etter uhellet, og at denne blir vidare etterforska av Stryn og Hornindal lensmannskontor.