HOVUDROLLE: Agnes Kittelsen, kjend frå blant anna filmen «Max Manus» spelar houdrolla som Ingeborg i Fridtjovspelet.
Foto: Solum, Stian Lysberg / SCANPIX
FRIDTJOV: Endre Hellestveit (t.v.), her saman med Bjørn Floberg i ein av filmane om «Varg Veum», skal også i år kle rolla som Fridtjov.
Foto: Foto/Copyright: SF Norge ASDet har vore uvisst om arrangøren lykkast i å reise dei naudsynte midlane til eit nytt Fridtjov-spel på Vangsnes i Vik. No er floka løyst.
Får 350.000 kroner
– Styret i Fridtjovspelet mottok ei fantastisk gledeleg melding om at fylkeskommunen og Norsk Teaterrråd stør Fridtjov-spelet «Fiende og elskar» med høvesvis 150.000 og 200.000 kroner, seier styremedlem Gjertrud Samland til Sogn Avis.
Uvissa rundt økonomien har halde styret i tenkeboksen om kor vidt dei skulle setje opp att framsyninga som hadde premiere i 2008.
– Det blir spel på Vangsnes 6. - 7. august, lovar Samland.
Kjendisar
Då stiller også skodespelarane Agnes Kittelsen, som hovudrolla Ingeborg, og Endre Hellestveit i rolla som Fridtjov, slik dei gjorde i 2008. Begge er kjende namn frå teater, tv og film dei siste åra.
Regissør Agnete Haaland og manusforfattar Rolf Losnegård jobbar ifølgje Sogn Avis med å fornye spelet.
...og amatørar
Fortuan dei profesjonelle hovudrolleinnehavarane, treng Fridtjovspelet også ei rekkje amatørar på laget og frir til folk som ønskjer å vere med.
– Vi treng korsongarar, skodespelarar, dansarar, musikarar, sminkørar og scenearbeidarar. Vi ønskjer derfor gamle og nye aktørar, både unge og gamle velkomne, seier Samland.