Frank Willy Djuvik tar avstand frå uttalane til John Kåre Larsen

På Facebook har Larsen blant anna samanlikna menneske på flukt med ein innvasjonshær.

– Eg syns ikkje det er greitt at ein omtalar menneske på flukt på den måten i det heile, seier Frank Willy Djuvik.

Dei siste dagane har varaordføraren i Solund publisert statusar på Facebook der han:

• 

  Samanliknar menneske på flukt med ein invasjonshær
• Er misnøgd med at restaurantar i Oslo vil gi gratis mat til flyktningar, mellom anna er han uroa for at det kan føre til dyrare prisar for andre gjester.
• Meiner folk som opnar heimane sine for flyktningar sjølve treng hjelp.

John Kåre Larsen seier til NRK at han ikkje ønskjer å kommentere utspela sine på Facebook.

• Les også: FrP-politikaren si statusoppdatering får KrF til å reagere: – Dette er grums

– Må ta i mot flyktingar med respekt

I partiutspørjinga til NRK Sogn og Fjordanetorsdag ettermiddag, sa Djuvik at menneske på flukt må møtast med respekt.

– Dei skal bli tatt i mot på ein god måte og dei som hjelper flyktingar som kjem til Norge er kvardagsheltar. Det er kjempebra at dei stiller opp. Dei skal ikkje få denne typen karakteristikkar.

– Då eg tok opp dette med deg før partiutspørjinga, før ein del av desse uttalane kom, då argumenterte du med hans rett til å ytre seg, Har han ikkje rett til å ytre seg slik?

– Jo, for all del, John Kåre Larsen må få ytre seg på den måten han vil. Men eg treng ikkje nødvendigvis dele hans syn, seier Djuvik.