Nabo-nei stoggar ikkje Sogndal
Fleirtalet i Sogndal kommunestyre ber Fylkesmannen om å slå saman Balestrand, Leikanger, Luster og Sogndal til Sogn kommune. Det skriv Sogn Avis. Dette trass i at naboane har sagt nei.
-
Foto: Erlend Blaalid Oldeide / NRK -
Vil ha med både Førde og Florø
Naustdal kommune vil helst ha med både Førde og Florø i ein framtidig storkommune. Det seier ordførar Håkon Myrvang. Han meiner det vil vere det beste for regionen. Torsdag bestemte kommunestyret seg for å greie fire ulike alternativ for storkommunar.
-
Ser og på det største alternativet
Førde kommune vil gå vidare med alternativet med ein storkommune i regionen, der ni kommunar er med. Det seier ordførar Olve Grotle etter kommunestyremøtet torsdag. Grotle seier dei og vil greie ut det dei to alternativa for SIS-kommunane, det vil seie Sunnfjord-alternativ med og utan Florø.
-
Greier ut tre alternativ
Eit samrøystes kommunestyret i Gaular bestemte seg torsdag for å greie ut tre alternativ for framtidig kommunestruktur. Dei vil dermed greie ut storkommune der Askvoll, Hyllestad, Fjaler og Gloppen også er med i tillegg til SIS-kommunane Førde, Jølster, Gaular, Naustdal og Flora er med. Ordførar Mathias Råheim (H) seier dei også vil greie ut to Sunnfjord-alternativ, med og utan Flora.
