Framleis problem med undervarmen

Måndag såg det ut til at dei hadde fått undervarmen til å virke, slik at dei kunne få vekk snøen og isen som dekte kunstgraset. Men no viser det seg at det er langt frå full effekt, og i dag tidleg var bana beinfrosen igjen.

• LES OGSÅ: – Dei gjer ein formidabel innsats
• LES OGSÅ: Sogndal kjempar mot klokka
• LES OGSÅ: Trøbbel med undervarmen i Sogndal

(Artikkelen held fram under biletet).

Har fått vekk isen

Eigedomssjef Tom-Idar Teigen i Sogndal Fotball konstaterer at bana er fri for is og snø, men at ho ikkje er så mjuk som ho skal vere.

– Difor må vi gjere andre tiltak for at det skal gå an å spele på bana. Likevel er situasjonen lettare, for vi har fått vekk det 10-15 cm tjukke islaget, så no kan vi arbeide manuelt med bana for å få ho speleklar.

– Kva er det som er feil med undervarmen?

– Nei, det er kompliserte saker dette, det er noko med styringseininga til banevarmen som ikkje fungerer som tenkt, dermed får vi ikkje nok effekt i sløyfene som ligg i bana.

– Reknar med kjapp løysing

Teigen seier at leverandørane arbeider kontinuerleg med problemet.

– Vi reknar med at dei finn ei løysing på det relativt kjapt. Dersom det ikkje skjer må vi først finne ein plan på kort sikt slik at vi kjem oss gjennom vårsesongen. På lang sikt må vi sjå om vi må byggje omatt, eller sjå om det er noko vi kan gjere med styringseininga eller kablane.

– Er du redd for at de må grave oppatt heile kunstgaset og legge alt på nytt?

– Eg er ikkje redd for det, må vi det så må vi det. Dette er det leverandøren som må stå for. Det vi vil ha er eit system som virkar optimalt til hausten og vinteren.