Framleis på grunn

Lasteskipet «Selvaagsund», som grunnstøytte utanfor Solund natt til i går, står framleis på grunn. Kystverket skriv på sine nettsider at reiaren vil vente til dagslys i dag med å prøve å trekke skipet av grunnen. Båten var på veg til Tyskland med grus då den grunnstøytte. Det er også 54 tonn diesel om bord, men det er førebels ikkje meldt om oljelekkasje.