Ved utgangen av februar var det 1073 personar heilt utan arbeid i fylket, det er 207 færre enn på same tid i 2011, men samstundes ein auke på 47 frå utgangen av januar.
- LES OGSÅ:
Ventar tøffare tak
Men direktør Tore Thorsnes i Nav Sogn og Fjordane er budd på at det kan bli tøffare tak utover våren.
– Førebels har problema i internasjonal økonomi hatt liten negativ verknad på arbeidsmarknaden i Sogn og Fjordane. Det er framleis industri og bygg og anlegg som er motoren i den positive utviklinga vi ser i forhold til fjoråret.
– Slik Nav vurderer det no vil dei største utfordringane framover våren vere knytt til varsla nedleggingar av einskildbedrifter, seier Thorsnes.
- LES OGSÅ:
- LES OGSÅ:
Størst nedgang i bygg og anlegg
Det er størst nedgang i talet på arbeidsledige innan bygg og anlegg.
Det er nedgang i arbeidsløysa i 19 av dei 26 kommunane i Sogn og Fjordane samanlikna med for eitt år sidan, størst prosentvis nedgang er det i Hyllestad, Vik og Balestrand. Størst auke er det i Bremanger og Hornindal.
Også talet på permitterte er lågare enn i februar i fjor. Det er no 162 permitterte, 33 av dei er innan fiskeindustrien.
Men også her er det ein auke siste månaden, frå 127 ved utgangen av januar.