I dag klokka 06 starta den europeiske råkøyraraksjonen «Speed Marathon». Fram til same klokkeslett fredag blir det gjennomført 65 fartskontrollar i dei ulike UP-distrikta.
Her i fylket tok UP-patruljen i Sunnfjord første etappe.
- Les også:
– For min del blir det som ein heilt vanleg dag på jobben, men eg trur farten er nok lågare ettersom det har vore godt annonsert. Førebels er det i alle fall relativt fin køyring. Eg har sett det verre på denne staden før, for å seie det slik, seier, seier patruljeleiar Einar Vereide.
JAMT OG TRUTT: Dei aller fleste bilistane held fin fart gjennom Våtedalen.
Foto: Martin Torstveit / NRK11 fekk førelegg
Vereide har rigga seg til med laser i ei lita raud jaktbu ved E39 på Egge i Gloppen. Det er i enden av Våtedalen, som munnar ut mot Jølster i andre enden. Dei aller fleste bilistane held seg innanfor fartsgrensa på 80 kilometer i timen.
- Les også:
MEININGSFYLT: Kåre Toreid tykkjer kontrollaktiviteten er meiningsfull. – Dei fleste ser at det er del av ein større samanheng. I den andre enden ser ein færre drepne og hardt skadde, seier han.
Foto: Martin Torstveit / NRK11 av dei ber derimot Vereide kollega Kåre Toreid om å stogge nokre hundre meter lenge framme. Høgste målte fart er 109 km/t. I ei 80-sone er det sju km/t frå førarkortbeslag.
- Les også:
– Dei fleste tek tilbodet om forenkla førelegg og er nøgde med det. Dei skjønar kvifor vi er her og at vi gjer jobben vår, seier Toreid.
Internasjonal aksjon
MÅLER: Patruljeleiar Einar Vereide siktar seg inn mot ein bil.
Foto: Martin Torstveit / NRKMaratonaksjonen «Speed Marathon» blir gjennomført i over 20 andre europeiske land i regi av Europeisk trafikkpolitisamarbeid (TISPOL). Føremålet er å førebygge og avdekke fartsoverskridingar for å redusere tal drepne og hardt skadde på norske vegar.
- Les også:
I fjor omkom fem personar på vegane i Sogn og Fjordane. Det er fem for mykje. Toreid håpar og trur at kontrollaksjonane har ein effekt.
- Les også:
- Les også:
– Ein må alltid tenkje seg om ein ekstra gang før ein set seg bak rattet, men ein får ei ekstra påminning om det er eit stort ansvar å køyre bil. Og det er heller ikkje noko menneskerett å ha førarkort, seier han.
STOGGAR: Dei fleste bilistar tek det fint når dei blir stogga av Kåre Toreid og kollegaene. – Dei som køyrer litt for fort får tilbod om forenkla førelegg om dei kvalifiserer for det. Er det veldig høg fart, så kvalifiserer det diverre til politimelding, seier han.
Foto: Martin Torstveit / NRKAksjon i tillegg
FØLGJER MED: Frå vaktbua følgjer Einar Vereide trafikken på E39 forbi Egge. – Når ein opererer på Vestlandet, så må ein ta omsyn til vêret. Men det er eit poeng å vere litt synleg. Det har avskrekkande effekt, seier han.
Foto: Martin Torstveit / NRKDei to Up-patruljane i fylket er ikkje dei einaste som følgjer trafikken med argusauge gjennom kontrolldøgnet.
Aksjonen kjem i tillegg til den ordinære kontrollverksemda.
– Samstundes set vi søkelys på at fart over fartsgrensa og/eller for høg fart etter forholda er ei av hovudårsakene til dødsulukker i trafikken. Politiet sine fartskontrollar er difor viktige for å redusere tal drepne og hardt skadde på norske vegar, seier UP-sjef Runar Karlsen.