Fotoboksane har kravd inn 313 førarkort og 37 mill. i bøter

313 personar har måtte ta beina fatt etter å ha mista lappen i automatisk trafikkontroll (ATK).

Det viser tal NRK har samla inn frå Politiets ATK-senter.

• LES OGSÅ: Dette er fartsverstingane i fylket

Dei fire tunnelane som er ustyrte med fotoboksar i Sogn og Fjordane har gitt gode inntekter til statskassa. Men trenden er klar, viser statistikken. Etter kvart som åra har gått, ser det ut til at bilistane har blitt vande med overvakingsutstyret som heng fastbolta i tunnelveggane.

Mens 92 førarkort vart kverrsette i 2004. I 2009 vart talet 28, trass i at fleire vart tekne under førarkortgrensa. Per oktober i år var det tatt 21 førarkort.

• LES OGSÅ: UP mot fartsbøller med ny laser

Når det gjeld forenkla førelegg var 2004 det desiderte toppåret. 3494 personar punga ut med 8,7 millionar kroner i bøter. Sidan har talet gått gradvis nedover.

Kjelde: Politiet. *Tala for 2010 gjeld til og med 8. oktober.

NB. Tal driftstimar, kor lenge det er kamera i boksane, varierer frå år til og frå tunnel til tunnel.