Dei 15 fotoboksane i fylket har til saman 18 355 driftstimar i gjennomsnitt i løpet av året. Det syner tal frå politiet som NRK.no har fått tilgang til.
- LES OGSÅ:
Ei matematisk utrekning viser at det dermed berre er to fotoboksar i drift til ei kvar tid.
– Vi har ikkje ressursar til å ha alle fotoboksane på til ei kvar tid. Det blir for mykje arbeid, seier Kjell Arne Hestad ved politiets ATK-sentral til NRK.no.
Dermed er det mange som slepp unna blitsen.
Har ikkje kapasitet
I Sogn og Fjordane er det automtisk trafikkontroll (ATK) i fire tunnelar, men dei er av langt oftare enn dei er på.
Politiførstebetjent Johnny Jansen seier dei ikkje har kapasitet til å ha fotoboksane på heile tida. Han er trafikkoordinator ved Sogn og Fjordane politidistrikt.
– Ei av forklaringane er at vi har mykje arbeid, og det kan bli veldig mange fleire saker dersom dei er på heile tida, seier Jansen.
I 2009 var dei 15 fotoboksane i Sogn og Fjordane på i totalt 17 583 timar, nesten tusen timar mindre enn i år.
– Vi klarar ikkje ta unna alt
Hittil i år er over 3700 bilførarar tekne i fotoboksar i fylket. Inspektør i Statens vegvesen, Sissel Thune Nondal, seier dei ikkje har moglegheit til å ta hand om alle sakene.
- LES OGSÅ:
- LES OGSÅ:
– Hovudårsaka til at dei er så mykje av er at vi ikkje har kapasitet. Men det er også strenge krav til fotoboksane og dei skal vere sertifisert til ei kvar tid, seier Thune Nondal.
Det er Statens vegvesen som har ansvar for fotoboksane, og det er dei som behandlar dei før dei blir sendt vidare til politiet.
– Vi har rett og slett ikkje kapasitet til å ta unna alt, seier Thune Nondal.
– Ingen veit når dei er på
Thune Nondal seier fotoboksane er viktige for trafikktryggleiken, og at dei har stor effekt langs norske vegar.
– Folk veit ikkje når dei er på eller av, så dei må uansett tilpasse farta. Det er svært viktig med fotoboksar, spesielt i tunnelar, for der er det stor fare for omfattande ulykker, seier Thune Nondal.
Tal driftstimar, kor lenge det er kamera i boksane, varierer frå år til og frå tunnel til tunnel.
Kjelde: Politiet. *Tala for 2010 gjeld til og med 8. oktober.