Arbeidet med å få ferdig eit tribuneanlegg til 237 millionar kroner ferdig.
- Fantastisk
- Dette er ein fantastisk dag. Anlegget er verdt alle millionane vi har brukt på prosjektet, seier initiatitakar, og dagleg leiar i Sogndal fotball Yngve Hallen.
Fylkesordførar Nils R. Sandal stod for opninga. I tillegg var statsrådane Heidi Grande Røys og Liv Signe Navarsete til stades.
Gåvedryss
Fylket sine eigne statsrådar kom med gåver frå regjeringa.
- Vi ville eigentleg gje dei kunstverk, men det ville dei ordne sjølv. Så vi gav i staden ein pengeslump som dei kan bruke som dei vil, seier samferdselsminister Liv Signe Navarsete.
Ho kan ikkje få lovprisa nok den jobben som har vore lagt ned for å realisere Fosshaugane.
Fotball-Noreg takkar
Også fotballpresident Sondre Kåfjord hadde med seg pengar til utsmykkingsfondet. Han vil fyrst og framst takke initiativtakarane for jobben.
- Eg vil på vegne av Fotball-Noreg takke for den fantastiske jobben som er gjort her. Det er eit fantastisk anlegg, som nok vil vise att på resultata til Sogndal.