Foreldrearbeidsutvalet (FAU) varslar no ei tøffare linje mot politikarane i Flora kommune, skriv Firdaposten. Dei kan ikkje leve med at skulen har den standarden den har i dag.
Dei viser mellom anna til at fleire vindauge på skulen er punkterte og at mugg og sopp er å finne i både veggar og vindaugskarmar. FAU ved skulen meiner dette er tydelege teikn på at inneklimaet for elevane ikkje er godt nok.
Foreldra viser vidare til at Eikefjord skule er den einaste skulen i kommunen som ikkje har blitt rehabilitert og oppjustert. Dette krev dei at det blir gjort noko med.
– Gje elevar og tilsette ein skule dei kan vere stolte av, er den klare beskjeden frå FAU-leiar Kristen Stæger-Breisnes.