Om turoperatørane vel å legge fjordhestsenteret inn som ein fast post på programmet avheng mykje av kor vellykka besøket blir.
– Om vi får aksept for konseptet, så håpar vi at fleire bussgrupper og cruiseturistar kjem innom. Turisme er òg fin marknadsføring av fjordhesten. Å vise fram flotte fjordhestar til turistane er ei av oppgåvene våre, seier Asle Espe ved Norsk Fjordhestsenter.
- Les også:
- Les også:
Hestane får ein siste finpuss
Sølvi, Runar og Major er berre nokre av fjordhestane som no vert strigla og finpussa før turistar frå cruiseskipet Disney-Magic kjem i morgon.
– Det er om å gjere å rydde så godt som mogleg, få hestane til å bli freshe og fine og få det til å sjå litt innbydande ut, seier sommarhjelp Hilde Kristin Strandos.
GLER SEG: Helene Tynes Farstad og Hilde Kristin Strandos meiner dei har funne den perfekte sommarjobben. No jobbar dei med å strigle hestane slik at alt er klart til den store dagen.
Foto: Silje Guddal / NRKGruppa som kjem vil få guida tur på senteret, det blir oppvising med hoppande føl, hest og vogn og dei modigaste vil få sjansen til å ride hestane sjølve. Etterpå vankar det mat og drikke, samt det obligatoriske suvenirsalet.
– Vi trur det er veldig viktig for det nasjonale senteret at vi kan tene litt på dette, slik at vi har aktivitet her gjennom sommaren, seier Asle Espe.
– Enkel å dra kjensel på
Han er glad for at fjordhesten har fått fornya merksemd i kjølvatnet av den populære Disney-filmen. Han er ikkje redd for at dei amerikanske turistane skal bli skuffa når dei får sjå den ekte utgåva av teiknefilmhelten dei kjenner frå kinolerretet.
– Fjordhesten er unik i utsjånad. Han har spesielle fargar og er enkel å dra kjensel på, seier Espe.
Han innrømmer at dei har litt nervar før storinnrykket. Men slik må det vere.
– Eg trur vi har det meste under kontroll, seier Espe.
