Etter ein nervepirrande straffesparkkonkurranse kunne førdespelarane og trenar Geir Øveraas sleppe jubelen laus.
Førde vann til slutt 9-8 over Dinamo Minsk på straffe. Då hadde laget gått gjennom heile den internasjonale turneringa i Danmark utan tap.
I sjølve finalekampen spelte sunnfjordsgutane med defensiv kløkt. For å tukte det sterke kviterussiske laget kopierte Geir Øveraas taktikken til Otto Rehagel, trenaren til dei greske europameistrane i fotball.