Førde og Sunnfjord veks mest

I heile fylket var det ein auke i innbyggjartalet på 223 frå 1. januar til 1. juli i år. Førde kommune hadde åleine over halvparten av denne veksten, der auka folketalet med 124 til 12.431.

Ordførar Olve Grotle meiner det er mange grunnar til auken.

– Det totale biletet, slik eg ser det, er at Førde er ein veldig attraktiv stad å bu.

(Artikkelen held fram under biletet).

Auke i nesten heile Sunnfjord

Også i resten av Sunnfjord var det auke, berre Askvoll av Sunnfjord-kommunane hadde nedgang i folketalet.

I Sogn er det derimot nedgang, også i regionsenteret Sogndal, der folketalet gjekk ned med 12 til 7336 i løpet av første halvår. Varaordførar Laura Kvamme trur dette endrar seg når studentane er på plass, men synest det er synd at det minkar i regionen, det er ein samla nedgang på 61 i Sogn.

– Generelt er det viktig at vi er aktive og syter for at Sogn er på bana med både arbeidsplassar og butilhøve.

(Artikkelen held fram under biletet).

Ikkje flinke nok på arbeidsinnvandring

I Nordfjord har folketalet auka litt,men i regionsenterkommunen Eid var det ein nedgang på 13 til 5937. Ordførar Alfred Bjørlo seier dei ikkje har vore flinke nok.

– Går vi bak tala ser vi at Eid er for dårlege på å få vekst i innflytting frå utlandet slik ein del andre kommunar har fått til.

(Artikkelen held fram under biletet).

I Sogn og Fjordane var det 108.424 innbyggjarar 1. juli i år. Her er heile statistikken :