Frå 1. januar i år fekk Noregs vassdrags og energidirektorat hovudansvaret for statleg førebygging av skredulykker. Statsråden meiner det er eit viktig område NVE no får ansvar for.
- Vi ser at mange menneske er utrygge fordi skred går, og derfor er det viktig å gjere meir for å prøve å redusere utryggleiken og å bidra til at menneskeliv ikkje går tapt når ulukker skjer.
Kartleggje og sikre
Seinast i førre veke gjekk
. Det er slike hendingar NVE no får ansvar for å førebyggje.Ved å kartleggje og sikre farlege områder, og ved å lage nye varslingsmetodar, er målet at NVE skal skape tryggare lokalsamfunn og redusere risikoen for skredulykker.
Distriktspolitikk
Olje- og energiminister Terje Riis-Johansen meiner Førde har kompetansen som skal til for å handtere det nye ansvaret, men vedgår at det og ligg distriktspolitikk bak avgjersla.
- Det var mogleg å leggje denne kompetansen til andre stadar, men det var nokre omsyn som talte for Førde. Det eine er distriktspolitiske omsyn, og i tillegg er det andre institusjonar slik som
.Ministeren lover pengar til førdekontoret, men seier at det vil ta tid og ikkje er klart frå dag ein.
Fire til seks stillingar
Vassdrags- og energidirektør Agnar Aas seier at førdekontoret no får ansvar for forsking og formidling til heile landet. Han håpar på at dei får fire til seks stillingar til dette.
- Det kjem an på kor mykje midlar vi får tildelt.
Han trur ikkje det vil bli problem med å rekruttere folk til stillingane.
- Eg tek det for gitt at vi klarar å få tak i kompetente folk. Det blir så spennande arbeidsplassar i eit område med mykje ras, at dette skal vi få til.
Tett samarbeid med kommunane
Senteret skal ha eit tett samarbeid med kommunane, der dei skal kartleggje og passe på at det ikkje vert planlagt å byggje ut i dei områda det er fare for ras. Viss kommunane ikkje tek råda til rette, får dei ikkje vedta arealplanane. Då er det Miljøverndepartementet som tek den avgjerda for dei.