Nærare 30 grader fleire stader i fylket

– Her på 1000 meter over havet på Filefjell er det 17,5 grader i Otrøvatnet, skriv Frode Solheim i ein e-post til NRK.

Send oss badetemperaturen og bilete frå der du er til sf@nrk.no

Badetemperaturen i fylket laurdag:

• Refviksanden, Vågsøy: 22 grader.
• Rognaldsvåg, Flora: 16,2 grader
• Skjerjehamn, Gulen: 20,5 grader
• Ikjefjorden (arm av Sognefjorden): 18,5 grader
• Grotlesanden, Bremanger: 14 grader (i går)
• Oldevatnet, Stryn: 5 grader (i går)

Sjekk vêrmelding for fylket

Bilete frå badeplassar i fylket.

Badeplasser i fylket 3 bilder

Rekord på Refviksanden

– I går hadde vi 190 campande, og då meina eg telt, bubil eller campingvogn. Så mange har vi ikkje hatt før, seier Torunn Refvik i Refvik Camping.

Aldri før har ho sett så mykje folk på Refviksanden på ein gong som i går. Temperaturen var tett opp mot 30 grader i lufta, så det er ikkje vanskeleg å forstå kvifor folk søkte mot strand og sjø.

Så mykje folk og bilar blei det at Refvik stadion måtte takast i bruk for parkering for å ikkje lage parkeringskaos.

– Vi har selt utruleg mykje is, seier Refvik som fortel at dei dagleg må til Måløy for å fylle opp både frys- og kjøleskap med kalde varer.

Refvik trur det blir mykje folk også laurdag.

– Det er 27 grader i lufta og 22 grader i sjøen, seier ho.