– Det blir tusenvis av folk langs løypa og vi skal vere der for å fange folkelivet og stemninga, seier Linda Olin Reite som er produsent for sendinga.
- Les også:
190 km – frå Balestrand til Førde
Det er aller første gong det store rittet er innom Sogn og Fjordane. 120 syklistar frå 21 land deltek i løpet. Mellom dei er Edvald Boasson Hagen frå Norge, Lars Boom og Pieter Weening frå Nederland og danske Chris Anker Sørensen.
Etappen vil gå frå Balestrand til Førde via Gaularfjellet, Rørvikfjellet, Moskog, rundt Jølstravatnet og ha målgang i Førde sentrum. Etappen vil bli på totalt 190 km.
Her på nettsidene til NRK Sogn og Fjordane kan du følgje folkelivet langs sykkelløypa med ei eiga nettsending frå klokka 12:50.
Slik er sendeplanen i nett-TV:
- Klokka 12:50-13:30: Balestrand. Løpet startar kl. 13:20
- Klokka 15.15-15:45: Rørvikfjellet
- Klokka 16:00-16:20: Vassenden – første passering
- Klokka 17:00-17:20: Vassenden – andre passering
- Klokka 17:30-18:15: Førde
- (Tidene kan bli endra, alt etter kva fart syklistane held i løypa)
Følg oss gjennom dagen gjennom i nett-TV, sosiale medium, nettsaker, biletgalleri, radio og TV. Merk gjerne bileta dine på Facebook og Instagram med #nrksf.
Morgonsendinga blei sendt frå Balestrand frå 06:03-09:00, og også dagsendinga frå 14:03-17:00 fangar det som skjer langs løypa og i målområdet i Førde.
Tour des Fjords held fram torsdag med start i Gulen og avsluttar i Stavanger søndag.