Ho har jobba som lærar ved Høyanger vidaregåande skule sidan 1995, men no ser det mørkt ut for nye år, skriv Firda.no.
Høyanger vidaregåande skule er ein av tre skular i Sogn og Fjordane som er føreslått nedlagde allereie frå hausten 2014. Rusti er frustrert og oppgitt.
– Dette er veldig skuffande. For meg personleg har det store konsekvensar.
– Eg har ein son med cerebral parese, som ikkje kan pendle tre timar om dagen eller flytte på hybel. Konsekvensen er at vi må flytte, seier ho til NRK.no.
– Har tenkt på dette lenge
Mange i Sogn og Fjordane er skuffa etter at fylkesrådmannen la fram forslaget på korleis dei vidaregåande skulane skal vere i framtida. Mindre pengar og færre elevar betyr at det må gjerast grep, og råda frå administrasjonen er å leggje ned tre skular. Høyanger, Luster og Stryn vidaregåande skule kan forsvinne om politikarane følgjer innstillinga.
- LES OGSÅ:
- LES OGSÅ:
Hege Rusti kom heim til Høyanger då ho var ferdig utdanna som lærar, og har jobba ved skulen i snart 20 år. Sidan diskusjonen om kva skular som kan bli kutta starta har det vore klart at Høyanger er blant dei som er mest utsette. Og no er den altså på kuttlista til fylkesrådmannen.
Læraren føler ikkje ho har anna vel enn å flytte frå bygda.
– Eg har tenkt på dette lenge, heilt sidan dei første rapportane kom. Eg har bestemt meg for å seie opp jobben min, seier Rusti.
(Artikkelen held fram under biletet)
Alt håp er ikkje ute
Ho er ferdig med ein mastergrad i norsk til våren, og trur ikkje det blir vanskeleg å få jobb andre plassar. Men å flytte frå heimbygda er uansett inga lett avgjerd.
– Dette er ikkje noko eg har lyst til, men eg må ta omsyn til familien, og spesielt barna, seier ho.
Det er politikarane som skal bestemme endeleg korleis den vidaregåande skulestrukturen skal vere i framtida. Rusti har enno håp.
– Eg set min lit til politikarane!
- LES OGSÅ:
- LES OGSÅ: