Dronninga besøkjer Luster i dag.
Foto: Sigurdsøn, Bjørn / SCANPIX
Johannes Langlo Handeland skal gi blomar til dronninga.
Foto: Simon Solheim/NRK
Desse damene gler seg til å få sjå dronninga.
Foto: Simon Solheim / NRK
Sjur Mehlum frå Riksantikvaren og Erling Gjelsvik frå Jølster bilelag er på plass foran stavkyrkja.
Foto: Birger Meland / NRKHo skulle vore på plass i Luster klokka halv elleve, no blir programmet forseinka.
– Det er tekniske problem med flyet, og avgangen blir ein time og eit kvarter forseinka. No ser det ut til at flyet går 10.15, seier Tore Sønnesyn hos Fylkesmannen.
Når dronninga kjem til Walaker hotell blir ho møtt av mellom anna ordførar Torodd Urnes og 10 år gamle Johannes Handeland som skal gi ho blomar .
– Eg gler meg veldig, dette blir eit minne for livet. Det er litt kjedeleg å måtte vente så lenge, men det går bra, fortel han.
Planting av plommetre
Etter det går turen med båt til stavkyrkja der det skal vere gudsteneste. Ein time seinare skal ho plante eit plommetre på området. Det blir lunsj på låven der det blir talar av mellom anna riksantikvar Jørn Holme og miljø- og utviklingsminister Erik Solheim.
Har brukt 12 millionar
Riksantikvaren har brukt 12 millionar kroner på å restaurere kyrkja i Luster. . Altertavla er frå 1699 og vart restaurert på 60-talet. Den har nyleg blitt reinska for støv før nyopninga i dag.
- LES OGSÅ:
Kulturskatt
Urnes stavkyrkje er bygd omlagt 1130 og ligg plasser under fjellfoten på Ornes. Kyrkja er eitt av få norske byggverkt som er med på UNESCO si liste over dei fremste kulturskattane i verda.
Altertavla i Urnes stavkyrkje er reinska for støv før nyopninga i dag.
Foto: Birger Meland / NRK