Skal ein tru politiet sine meldingar på Twitter har folk oppført seg fint rundt om kring i fylket i natt. Noko har likevel politiet hatt å henge fingrane i.
Like før midnatt tok politiet i Førde han om ein rusa og kranglete gjest ved ein serveringsstad i sentrum. Politiet tok seg ein prat med vedkommande, før dei skyssa kranglefanten heim.
Ein liten time seinare vart ein rusa mann funnen sovande i parken i Florø. Politiet såg til mannen og køyrde han heim.
Like før halv to natt til søndag var det på ny trøbbel ved ein av serveringsstadane i Førde sentrum. Vaktene på staden hadde fått problem med to av gjestane. Dei to roa gemytta då politiet kom, og vart etter kvart viste vekk.