Kvart år vert det selt over 1,5 millionar juletre i Norge, men rundt 300.000 av dei er importerte frå utlandet, skriv
.Fylkeskogsmeister Merete Larsmon meiner juletredyrking kan vere ei god ekstrainntekt for bønder. Ho seier det er gode forhold for det i Sogn og Fjordane.
– Vi har eit bra klima, og langs med kysten har vi eit klima som gjer at vi kan dyrke juletresortar som dei ikkje kan dyrke i innlandet, så det bør vi ta som ein marknadsfordel.
Tilskot frå nyttår
Landbruksminister Trygve Slagsvold Vedum har sagt at Norge bør vere sjølvforsynt med juletre, og det er Merete Larsmon samd i.
– Det er fullt mogeleg, og det er faktisk på gang. I Rogaland har dei etablert eit veldig godt juletredyrkarmiljø som eksporterer til utlandet, så der bør andre henge seg på.
I Sogn og Fjordane har Innovasjon Norge og Fylkesmannen gått gjennom juletrenæringa og laga ein strategi for framtida. Frå nyttår blir det tilskot til juletredyrking for dei som vil satse seriøst, fortel Merete Larsmon.
– Eg ser i jobben min at det er mange flinke bønder som kunne ha hatt dette som attåtnæring.