– Dette er heilt fortvilande, seier Alf Sigurd Strømsnes, driftsleiar på Flåmsbana.
Det er natt til fredag at to vogner skal ha blitt spraya ned av taggarar.
Det var Sogn Avis som først melde om saka.
Ute av drift
Dei to vognene er fredag tekne ut av drift. Ifølgje Sogn Avis er NSB kontakta lokalt i Oslo.
– Vi kan ikkje køyre med desse vognene slik dei er no, seier Strømsnes.
Han fortel at dei har vore ute for tagging tidlegare, men at det ikkje har vore i eit like stort omfang.
Politimelder saka
Driftsleiaren vil ikkje kommentere kor mykje pengar dei tapar på at vognene er ute av trafikk, men seier at trafikken aukar, og at dei i utgangspunktet treng kapasiteten.
Saka blir meldt til politiet.