Flåmsbana stengd i to veker til etter skadeflaumen

Kommunikasjonssjef Inge Hjertaas i Jernbaneverket seier flaumen gjorde store skadar på ei om lag 250 meter lang strekke av bana ved Melhus.

– Det positive er at det er på eit relativt kort parti. Omtrent all skade skjedde der oppe.

• LES OGSÅ: Aurland kommune får kjemperekning etter flaumen
  
• LES OGSÅ: - Sterke opplevingar for dei som stod i det

Under store skadeflaumen i slutten av oktober vaks Flåmselva seg så stor at den gjekk over sine breidder langt opp i Flåmsdalen. Blant anna fann elva seg nytt løp gjennom tunnelen ved Melhus, like ovanfor Berekvam stasjon om lag midtveges på Flåmsbana.

– For å sitere ein av dei som for ned frå Myrdal for undersøke under flaumen: «Det var litt skummelt når det såg som vi fekk bølgene mot oss.»

• LES OGSÅ: Trur ikkje ekstremvêret vil skade turismen
• LES OGSÅ: Dette er status i Aurland og Lærdal

– Vi snakkar om at ein får bølger mot seg i jernbanesporet på Flåmsbana 400 meter over havet. Det rann rett og slett over. Det var ein situasjon som eg ikkje trur noko har sett før på Flåmsbana.

(SAKA HELD FRAM UNDER BILETET)

På sin veg gjennom jernbanetunnelen tok elva med seg all pukken i sporet og toppen av steinfyllinga under sporet, men størst skadar gjorde leva likevel rett nedanfor tunnelen.

– Her har den rive med seg ein mur. Her eng spore i lause lufta, og under er det rett ned juvet, og her det bratt.

• LES OGSÅ: Ordføraren i Aurland til innbyggjarane i Flåm: – Evakuer til Fretheim hotell

Stengd i 14 dagar

Jernbaneverket reknar med at Flåmsbana blir stengd i om lag 14. dagar til. Det må blant anna leggast nytt fundament under sporet før det igjen kan settast på trafikk

(SAKA HELD FRAM UNDER VIDEOEN)

– Har de pengar til reparasjonane som må til?

– Det blir ein skål vi må ta etterpå. Skal vi få trafikk på Flåmsbana igjen så må dette ganske enkelt berre gjerast. Om det då blir tilført spesielle midlar, eller om det må omdisponerast innanfor eksisterande budsjett, det veit eg ikkje.