Flåmsbana opna for trafikk att

Den populære togbana i Aurland vart opna i 20-tida laurdag kveld.

• OPPLEV: Flåmsbana minutt for minutt

– Vi hadde opp eit klatrelag som tok ned resten av ein snøskavl som stod klar til å rase. Vi fekk også tatt ned rasoverbygget og ordna køyreleidninga. Det var ganske raskt jobba, seier pressevakt Thor Erik Skarpen i Jernbaneverket.

Nytt overbygg til hausten

Snøskredet som knuste rasoverbygget var rimeleg stort, og Skarpen seier bileta frå øydeleggingane seier sitt.

Sivert Bakk, driftssjef for Flåmsbana, rekna laurdag med at kring 400–500 passasjerar ikkje fekk si planlagde reise med bana.

• LES: Meir om Flåmsbana i Fylkesleksikonet

– Snøoverbygget skal setjast opp att til hausten, men det viktigaste for oss var å få i gang att togtrafikken. Det ville tatt lang tid om ein skulle vente på at eit nytt overbygg stod klart, seier Skarpen.

– Så det er ikkje fare for at det kjem ned fleire snøskred?

– Geologen har vore der og sett, og klatrelaget har tatt ut det som er fare. Slik situasjonen er no, så er det ikkje rasfare. Då hadde vi ikkje opna bana att.