Flåmsbana kjem til å smadre årsrekorden

Når året er over kjem mellom 850.000 og 900.000 reisande til å ha teke den spektakulære togturen mellom Flåm og Myrdal.

Flåmsbana

STADIG NYE REKORDAR: Turistane strøymer til Flåmsbana som aldri før.

Foto: Vidar Gudvangen / NRK

Det er dagleg leiar Sivert Bakk i Flåm Utvikling som kjem med denne kvalifiserte spådommen. Det er i så fall langt over den gjeldande rekorden, 781.000 i 2015.

– Det som ligg i botnen er at vi har eit godt produkt som er godt kjent ute i verda. Det har vore langsiktig jobbing i snart 20 år med marknadsføring og sal over heile verda som gjer at vi no får vår del av kaka som resten av reiselivet i Norge opplever, seier Bakk om årsaka til auken.

Månadsrekordar kvar månad

28. juni knuste Flåmsbana den 10 år gamle dagsrekorden for tal reisande i løpet av ein dag. Då frakta bana 8306 passasjerar. Flåmsbana har også sett ny månadsrekord - kvar månad - sidan nyttår. Fram til 1. juli var talet på reisande 350.000.

– I mars hadde vi 100 prosent auke i trafikken, i mai 25 prosent. Vinter, vår og haust er satsingsområde for oss, så det er vi veldig godt nøgde med.

Turistar med Flåmsbana

HAR KAPASITET TIL FLEIRE: Berre 66 prosent av setekapasiteten er utnytta.

Foto: Noralv Pedersen / NRK

Sivert Bakk seier at sjølve Flåmsbana kan svelge unna langt fleire reisande enn det rekordhøge talet som er venta i år.

– Sjølv i juli brukar vi ikkje meir enn 66 prosent av setekapasiteten vår. Men infrastrukturen i Flåm og på Myrdal finst det nok eit tak på. Vi må gjere noko for å kunne ta godt vare på gjestene. Det gjeld mellom anna parkeringsplassar og toalettkapasitet.

Øya Bremangerlandet vil vere utan veg til fastlandet fram til neste veke.
For han som var sekundar frå å bli treft av steinblokkene, var det ei skremmande oppleving.
Over 3000 asylsøkjarar har forsvunne siste året.
  
Heile villreinstammen på Nordfjella, nær 2000 dyr, bør utryddast snarast råd. Det meiner forskarar etter at det i fjor blei påvist skrantesjuke. 
I dag møttes forskarar, politikararar og forvaltninga, for å diskutere den vidare kampen mot smitta.