Flåm avviser 15 cruiseskip

For etter å ha teke i mot 200.000 cruiseturistar i fjor, har Flåm Utvikling sett seg nøydde til å seie nei til 15 cruiseanløp i år.

• LES OGSÅ: To gigantskip på besøk samtidig
• LES OGSÅ: Gigantisk cruiseskip besøkte Flåm

– Å seie nei er basert på eit totalbilete av både hamnekapasitet og infrastruktur på land, slik at vi kan ta imot gjestene våre på ein god og forsvarleg måte, seier driftsleiar Sivert Bakk til VG Nett.

Spådomar til skamme

Bygda inst i Aurlandsfjorden hadde i fjor 151 cruiseskip på besøk. Dette aukar til 171 i år. Sommarturismen har vist ein formidabel auke dei siste åra. Går ein attende til 2011 var 157.000 cruiseturistar innom den vesle sognebygda.

• LES OGSÅ: - Fullt mogeleg å tene på cruiseturistar
• LES OGSÅ: Illsinte turistar aksjonerte i Flåm

I år knuser altså Flåm alle dystre spådomar om ein dårleg reiselivssommar. Sjølv om dei takkar nei til fleire cruiseskip.

• LES OGSÅ: Cruiseskiptrafikken fører til mest ureining per passasjer
• LES OGSÅ: Vil ha krav om at hamnene må tilby straum frå land til cruisebåtane

– Det er dagar der vi ser at anløp av fleire skip vil gå utover kvaliteten. Difor seier vi nei, klargjer Bakk overfor avisa.