«Oi, dette hadde me ikkje venta»

Fjellsportfestivalen byrja tysdag, og kvar dag har deltakarane boltra seg i meterdjup laussnø i fjella i Sogndalsdalen. For å dokumentera dette på ein ny måte har festivalen fått utvikla ein ny app til smarttelefonar.

• LES OGSÅ: Mange ungdomar vel laussnøen - men ikkje alle gjer det trygt

Direkte opplasting til heimesida

– App'en er laga for å tilby deltakarane noko nytt. Ein kan ta bilete med appen som hamnar på Fjellsportfestivalen si heimeside med ein gong, og på app'en til alle andre som har lasta den ned, seier Halvorsen.

Sogndalsfirmaet nLink har utvikla app'en på oppdrag frå festivalen.

(Artikkelen held fram under videoen)

– Me håpar at andre festivalar vil få auga opp for app'en, slik at me kan selja den vidare. Det har vore ein del arbeid med den, men no er grunnlaget lagt, seier Halvorsen.

• LES OGSÅ: Ellevill konkurranse i Sogndal

Den har blitt godt motteke, og det er komme inn fleire hundre bilete.

– Skal skriva historia

Fjellsportfestivalen er ferdig sundag, og etter det skal alle bileta som er komme inn samlast i eitt stort bilete som blir Fjellsportfestivalen si kronologiske historie i år, sett frå deltakarane sin ståstad.

• LES OGSÅ: Skredfare stoggar Norges Cup
• LES OGSÅ: Vann fotokonkurranse med storm-bilete

– Tilbakemeldingane har vore overraskande gode, og dei syns det er moro å sjå bilete som andre har teke, seier Halvorsen.

«Bussruter»

Laussnøekspressen er blitt eit populært tilbod i Sogndalsdalen. Bussen fraktar skikøyrarar som kjem ned frå fjellsida langs riksveg 5 og tek dei med tilbake til Hodlekve skisenter.

• LES OGSÅ: Pudderekspressen stiller opp for entusiastiske skikøyrarar

– Me har også laga ein applikasjon slik at laussnøkøyranane kan finna ut kor laussnøekspressen er, slik at dei kan berekna nedkøyringa etter den. Då slepp dei å stå i vegkanten i opp mot ein halvtime, seier Halvorsen.