Det var i september 2004 at ulukka skjedde. 21-åringen var på veg heim frå jobb, og før ulukka hadde han køyrt forbi i alt fire biler.
Ved inngangen til ein høgresving kom han for langt ut i starten av svingen. 21-åringen har forklart at han då rykte hard i rattet, det førte til at kom over midtstripa og kolliderte med ein møtande bil.
- Måtte amputere foten
Bak den møtande bilen kom det også ein motorsykkel som vart treft av 21-åringen sin bil. Motorsyklisten måtte seinare amputere eine foten under kneet på grunn av skadane han fekk i samanstøyten.
Retten meiner å funne det bevist at at årsaka til ulukka var at domfelte heldt for høg fart, og i følge utrekningar som Statens Vegvesen har gjort heldt 21-åringen minst 125 kilometer i timen ved inngangen til svingen der ulukka skjedde.
Fersking bak rattet
På ulukkestidspunktet hadde 21-åringen hatt førarkort i eitt år. Retten finn det skjerpande at han i løpet av denne tida hadde fått to forenkla førelegg for fartsoverskridingar.
Retten finn at 120 dagar fengsel er ei passande straff, halve straffa blir vart på vilkår slik at 21-åringen slepp med å sone 60 dagar bak murane. I tillegg til at han må vere utan førarkort i tre år.
21-åringen er og dømd til å betale den skadde motorsyklisten 80.000 kroner i erstatning, og han må ut med 5000 kroner i sakskostnader.